Shafik Ya Ragel Ally lama bimshy bimed, as well when he get corrupted gets very rich

من أين لك كل هذا يا حاج شفيق ؟

الجمعة, 15 يونيو 2012 - 02:01 pm
عدد الزيارات: 1455 21



محمد غيث

أنا هنا لست بصدد أستعراض مواضيع القضايا أو البلاغات والتي تزيد عن العشرون بلاغاً ضد أحمد شفيق والتي مر علي تواريخ تقديمها للنائب العام أكثر من 18 شهر ؟ ودونما نظر أو تحقيق في أي منها ؟ مع أن كل بلاغ فيها وبحق الله يستحق فيها تأبيدة ؟ ولكن هناك تواطؤ فج وتقاعس سافر يحول دون فتح أياً من هذه البلاغات والتي تمثل كوارث قومية بمعني الكلمة ، وأيضاً أنا لن أخوض في كلام شفيق المضحك حينما صرح علي الملا بأن الخيل والجمال والتي كان يركبها بلطجية مسلحون بالسيوف والسكاكين والشوم أنما جاءت لميدان التحرير وفقط لكي لترقص ؟ طبعاً كلام سخيف لأننا جميعاً شاهدنا تلك الجمال والخيل ومعها البلطجية وهم يرقصون علي جثث الشهداء والجرحي من خيرة شباب الوطن ، بل ليس بخاف علي أحد مانشر بأن أحمد شفيق أشرف بنفسه علي تحضير معدات البلطجة من سنج وسيوف والآت حادة زود بها البلطجية بورشة كائنة بشركة الحوامدية للسكر ؟ وأنه هو واحداً من أهم الشخصيات التي أشرفت علي موقعة الجمل ؟ وأيضاً لن أخوض فيما نشر في شأن تخصيص وبيع أراضي حمعية الطيارين المدنيين لعلاء وجمال مبارك بسعر 80 قرش للمتر ؟ وأيضاً لن أخوض في تصريحات شفيق البطولية والزائفة في مشاركته في الطلعات الجوية إيان حرب أكتوبر والتي قرأناها وكذبها الكثيرين من زملاؤه بالعمل والذين أكدوا أنه تمارض ومكث ببيته هروباً وخوفاً علي حياته ؟ وبعيداً عن كل هذا الوصم والفساد والذي قرأناه جميعاً والذي يصيب الأنوف بأعتي أنواع الزكام من شدة العفونة التي قرأناها جميعاً في مواضيع تلك البلاغات المقدمة للنائب العام المصري والذي تهرب سيادته من التحقيق فيها فقام بإحالتها للمحكمة العسكرية منذ أكثر من 18 شهر مضت ؟ والتي بدورها أعادتها له مرة أخري ومنذ أيام قليلة خلت بدعوي عدم الأختصاص ؟! وكأن المحكمة العسكرية لم تنتبه لعدم أختصاصها إلا بعد 18 شهر من تاريخ الإحالة لها ؟ وهو مايثبت بالدليل القاطع أن هناك تواطؤ بين وسافر وتقاعس فاضح في عدم فتح ملفات وقضايا وبلاغات الفساد الفاضح والمقدمة ضد أحمد شفيق ؟ أنا هنا في حل من الأسترسال في أياً من تلك المواضيع أو الكوارث مواضيع تلك البلاغات والتي يندي لها جبين الحمار ؟ ناهينا عن الأنسان الحر ؟ ولكنني هنا سوف أستعرض بعضاً مما تيسر من ممتلكات السيد / أحمد شفيق والتي وفي جميع الحالات لا يمكن أن تتناسب مع دخله كوزير للطيران المدني وبأي حال من الأحوال ولو كان حتي وزيراً للطيران المدني في أمريكا ؟ والتي توضح أن أحمد شفيق وناهينا عن الكوارث والبلاغات المتعددة المصائب والنوائب والمقدمة في حقه وذمته فأنه قد تربح من عمله وبشكل سافر وأنه لايقل فساداً وإفساداً عن مبارك المخلوع والذي يتخذه وكما صرح علي الملأ مثالاً أعلي وقدوة أسمي له في حياته ؟ وإلي القاريء أقدم قائمة بما تيسر حصره من ممتلكات الفريق شفيق أبو النزاهة والوطنية والمنشورة علي العديد من مواقع النت :




1- الفيلا رقم 3، نموذج أ.س في المجموعة السادسة بمدينة الرحاب..


2- شقتين بعمارات الجيش أمام الرقابة الإدارية في منطقة قسم النزهة..


3- القصر رقم 22 في منطقة لسان الوزراء في مارينا، ومكتوب عليه بالبنط العريض: فيلا أحمد شفيق..


4- قصر تاني في مدينة شرم الشيخ.. علشان لما كان يحب يروح لحبيبه المخلوع الكبير اللي نهب قصوره من خيره..!






5- قصر تالت بقى بس في مدينة فايد في الإسماعيلية بجوار مطار كبريت.. وده حاجة بسيطة كده تربحها أيام ما كان بينهب.. قصدي أيام ما كان بيدير جميعة الطيارين في التسعينات..






6- فيلا تانية في مدينة فايد برضو.. علشان القصر اللي جنب مطار كبريت ساعات حركة الطيران تعمل صوت فتزعج سيادته.. فيروح الفيلا بتاعته في فايد مش بعيد برضه..






7- شقة في مصيف القوات المسلحة في سيدي كرير.. طبعا مش مقام سيادته..


8- وعلى ذكر السيدة عزة.. كان سيادته كاتب باسمها قطعة الأرض رقم 310 ب، في منطقة تقسيم الكوثر.. في الغردقة.. مساحتها 877 متر بس..!!






9- وطبعا لإن الحتة بتاعت الكوثر في الغردقة دي لطيفة وجوها شرح، فخد سيادته كمان باسم نفسه القطعة رقم 310 أ، ومساحتها 1149 متر بس..!!!!!






10 - شيرين ومي وأميرة بقى كانت متخصصة لهم بالأمر المباشر باسمهم القطعة رقم 25 في المنطقة 24650 في منتجع جولف القطامية، ودي مساحتها يادوب 685 متر.. وفي نفس الكشف اللي فيه أساميهم مع المحظيين بتوع التخصيص فيه برضو ولاد اللواء هتلر طنطاوي بتاع الرقابة الإدارية.. وكمان ولاد المرحوم كمال الشاذلي ربنا يحسن مثواه..!






11- شرين ومي وأميرة أحمد شفيق برضو اتخصص لهم بالأمر المباشر.. تاااااني.. عادي يعني مفيش مشكلة.. قطع الأراضي رقم 26 و28 و30 في المنطقة رقم 17001 في العجمي في القاهرة الجديدة.. بمساحة إجمالية لا تتعدى الـ2515 متر مربع.. يعني يدوب ممكن يبنوا عليهم مطار زغنون يلعبوه فيه، وبرضو هياخدوا التذاكر ببلاش بأوامر "بابي" اللي سرق ما شاء الله لدرجة تؤهله دلوقتي لرئاسة الجمهورية..!!






12- شيرين ومي وأميرة تااااني.. واضح إن الاسم ده هيستمر معانا كتير.. اتخصصت لهم النهيبة رقم.. قصدي القطعة رقم 624 في منطقة الجولف في القاهرة الجديدة بمساحة 880 متر تقريبا..






13- ولسه معانا شيرين ومي وأميرة أحمد شفيق.. الراجل ذات نفسه محيلتوش حاجة يا عيني غير التلات قصور العمي.. متخصصة لهم المرة دي القطعة رقم 625 في الجولف برضو في القطامية.. بمساحة 867 متر مربع..






14- ونطلع على باريس.. وشقتين في أجمل مكان يطل على برج إيفل مباشرةً، ساركوزي ذات نفسه معندوش زيهم.. شفيق واخدهم عادي كده يعني علشان لو البنات حبوا ينزلوا يعملوا شوبنج في الشانزليزيه ولا حاجة.. حرام فلوس الأوتيلات.. احنا مش بنسرق فلوسنا..!!!






15- فيه كمان فوق ده شوية عقارات في الجونة، وحبة أرصدة في البنوك..






طبعا ممكن حد يسأل سؤال وجيه ويقول لي: ولو الكلام ده صحيح مثلا ليه مابيتحققش فيه مع إن المادة رقم واحد فقرة واحدة من القانون رقم 62 لسنة 1975 بشأن الكسب غير المشروع بتقول إن أول الفئات الخاضعة لهذا القانون هما القائمون بأعباء السلطة العامة وسائر العاملين بالجهاز الإداري في الدولة..؟ نقول لسيادته.. الكلام ده كله موثق.. وموجود في رف في تلاجة مكتب سيادة المستشار القاضي النزيه المحترم رئيس جهاز الكسب غير المشروع.. وبلاغات غيره كتير عند النائم العام.. ومفيش حاجة بتتحرك..


واحد تاني يسأل سؤال أوجه ويقول لي: طب انت وصلك الكلام ده منين؟ أقول لسعادتك وصلني علشان معايا صور من البلاغات اللي هي مش سرية خالص على فكرة إلا على الشعب الغلبان بس..!!


ويبقى السؤال الأغبى على الإطلاق: هل كون أحمد شفيق حرامي وواحد من الحيتان اللي نهبوا البلد ده سبب كافي يخلينا مننتخبوش..؟!


والإجابة المعتادة طبعا: انت حمار يا حمار!؟!؟